Bolgar elinde ótken «Prince&princess of the world - 2017» baıqaýynda da aldyna qara salmaǵan Aıanat «Kishkentaı Álem hanshaıymy» atandy.
Álemniń 20 elinen 55 arý qatysqan saıysta Aıanat 3 túrli óner kórsetip, sheteldik sarapshylardy tań qaldyrǵan. Aqtaýlyq búldirshin qazaqtyń ulttyq kıimderimen defıle kórsetip, án shyrqap, bı bılegen. Qazylardyń suraqtaryna qazaq, orys jáne aǵylshyn tilinde, ishanara bolgar tilinde jaýap bergen qarshadaı qazaq qyzynyń talantyna kópshilik tań qalýmen bolypty. Bıyl altynshy ret ótkizilgen halyqaralyq baıqaýǵa ony jetekshisi Dılıara Týrına 1 aı daıyndapty, Aıanat - bir aptaǵa sozylǵan baıqaýǵa elimizden qatysqan jalǵyz úmitker bolǵandyqtan, oǵan artylǵan senim de joǵary bolǵan. Bıyl mektep tabaldyryǵyn attaıtyn Aıanat júzden júırik shyǵyp, el mereıin asyryp qaıtty.
Gúlaıym Shyntemirqyzy,
«Egemen Qazaqstan».
Mańǵystaý oblysy
